Bergens beskrivelse: Bergensaren

Ingen andre nordmenn enn  bergensarar kan hevde at dei eigentleg ikkje er frå Noreg. Ingen andre dyrkar seg sjølv og det som er annleis og eksotisk ved byen enn  bergensarane. Korleis og kvifor blei det slik?

Bergen fyller 950 år i år. Vi har tidligare dette året markert jubileet med serien Bergen beskrivelse der vi har dykka ned i litteraturen for å finne skildringar av byen vi alle elskar når sola skin, og forbannar når regnet fell tungt. Ein av dei som var med i denne serien, professor i moderne historie ved Høgskulen på Vestlandet Morten Hammerborg, er no aktuell med boka Bergenseren. Han kjem til Litteraturhuset i Bergen både for å helle bensin på bålet og avlive ymse mytar om «det bergenske».