​USA er i rask endring – politisk, institusjonelt og som geopolitisk aktør. Kva er tilstanden for demokratiet i USA i dag? Korleis må vi forstå utviklinga i lys av landets både lyse og mørke historie? Kva fortel samtidige hendingar, som militære konfrontasjonar i Midtausten og politiske tilbakeslag for autoritære allierte i Europa, om USAs rolle som militær og kulturell supermakt?

Til dette arrangementet i Noreg i ei ny tid har vi invitert statsvitar og professor Hilmar Mjelde som keynote. Mjelde er ein av Noregs fremste ekspertar på amerikansk politikk, og den mest siterte akademikaren i norske medium i 2025. Med utgangspunkt i si forsking og løpande analyse av amerikansk politikk vil han gi ei overordna innleiing om dei politiske, demokratiske og strategiske utviklingstrekka i USA.

Innleiinga blir etterfølgt av ein panelsamtale som drøftar kva USAs utvikling betyr for NATO, europeisk tryggleik og for Noreg – politisk, militært og økonomisk. Kva slags USA må Europa og Noreg førebu seg på i åra som kjem? I panelet: Arne Strand, seniorforsker Christian Michelsen Institutt og Erik Holmøyvik, professor ved det juridiske fakultet, UiB. Statsvitar Ole Øvretveit er ordstyrar og Lise Øvreås, professor ved Institutt for biovitenskap, UiB, og akademisk direktør Academia Europeae Bergen Hub ønsker velkomen.

Arrangementet er del av debattserien Noreg i ei ny tid, arrangert av Academia Europaea Bergen Knowledge Hub ved Universitetet i Bergen, i samarbeid med Litteraturhuset i Bergen.

​150,– / 120,– / Gratis inngang for studentar ved framvising av studentbevis.

Foto: Mauricio Ramirez, Høgskulen på Vestlandet

​Bien Litteraturhuset er åpen før og etter arrangementet