Ved Parkinsons sjukdom dør hjerneceller som kontrollerer kroppens rørsler gradvis. Det blir forska mykje både nasjonalt og internasjonalt på å forstå mekanismane bak sjukdommen, men det finst framleis inga behandling som kan bremse eller stanse sjukdomsutviklinga.

I Bergen og internasjonalt føregår det no kliniske studiar for å prøve ut nye legemiddel mot Parkinsons sjukdom. Forsking på bruk av stamceller som kan erstatta dei tapte nervecellene i hjernen, gir også håp om nye behandlingsformer. Kor langt unna er me nye medisinar? Kan stamceller vera løysinga?

Svein Isungset Støve, molekylærbiolog og seniorrådgivar i Bioteknologirådet har bakgrunn frå fleire år med forsking på Parkinsons sjukdom. I dette populærvitskapelege foredraget vil han fortelje om Parkinsons sjukdom, kva me veit om sjukdommen i dag, og kva nye typar behandling som er under utprøving.

Arrangementet blir strøymt på www.bioteknologiradet.no

Gratis