​Frukostmøte med korte innleiingar og paneldebattar om kva rolle Nordsjøen speler for europeisk energiforsyning i dag og i 2035. Frukost frå kl 08.00, programstart kl 08.30.

Nordsjøen har i mange år vore sentral i europeisk energiforsyning. Det starta med olje og gass, men i dag får Europa både straum, olje og gass frå Nordsjøen.

Vi spør representantar for energiselskap, leverandørindustrien, akademia og politikk kvar dei meiner vi står i dag og kor dei trur vi er i 2035.

Norge er eit av landa i North Seas Energy Cooperation (NSEC). Etter North Sea Summit 2026 i januar kom Hamburg-deklarasjonen frå ni europeiske energiministrar, inkludert Terje Aasland. Deklarasjonen From national to regional: delivering on our joint vision of the North Seas as Europe’s Clean Power Hub set mål for havvindutbygging i Nordsjøen. Den tek opp utbygging av nett (inkludert HVDC), marin arealplanlegging, finansiering, leverandørkjeder og produksjon av hydrogen.

Energisamarbeidet omkring Nordsjøen vil vera tema for ein av panelsamtalane på frukostmøtet.

Gratis med påmelding

Foto: Kristin Guldbrandsen Frøysa