Fredag strøymde elevane til Litteraturhuset for kick off for årets litteraturpris. Ein av dei nominerte forfattarane, Eivind Riise Hauge, var med for å snakke om boka si Halvard Borges forbrytelser. Hauge har skrive éi av fem bøker som er valt ut i år.

‍

Dei nominerte til årets Gullkroken er:

Brynjulf Jung Tjønn, Norsk kjærleik (dikt)

Eivind Riise Hauge, Halvard Borges forbrytelser (roman)

Karoline Mirković, Divnas bok (roman)

Marie Kinge, Du lurer ikke meg (roman)

Mimir Kristjánsson, Pabbi - en familiesaga om drukkenskap (sakprosa)‍

Gullkroken er ein heilt spesiell pris. Det er elevar som står for lesing, vurdering og utdeling av prisen.

Prisen er eit samarbeid mellom Årstad vidaregåande skule, Litteraturhuset i Bergen og LitFestBergen. Gjennom prosessen får elevane opplæring i litteraturkritikk frå ein yrkeskritikar, dei les mykje (og diskuterer endå meir!) og dei deler ut prisen som eit program under LitFestBergen i februar.

Tidlegare vinnarar av prisen er Lara Rashid for Hold meg til jeg sovner, Martin Eia-Revheim for Å sette sammen bitene og Oliver Lovrenski for Da vi var yngre.

Prisutdelinga vil skje torsdag 6. februar på Litteraturhuset i Bergen.