Juvikfolket av Olav Duun har blitt kalla ei psykologisk Noregshistorie. Denne romanserien har det meste: spenning, uhygge og ømheit, rivalisering, skipsforlis og kjærleik, sjalusi, sorg og selvoppofring, galskap, drap og vennskap. Vi møter slekta frå Juvika frå ei fjern og mytisk fortid og opp til det som var samtida da bøkene kom ut, gjennom medgang og motgang, fødsel og død, gode år og uår. I år er det 100 år sidan siste band, av i alt seks, kom ut. Jubileet blir markert fleire stader i landet.

På Litteraturhuset i Bergen kjem Erik Bjerck Hagen, professor i litteraturvitskap ved UiB, Grethe Fatima Syéd, førsteamanuensis i norsk ved HVL, og Beatrice Reed, postdoktor i norsk ved HVL til samtale om denne sentrale klassikaren frå den norske kanonen. Ordstyrar er redaktør i Norsk Tidend, Vemund Norekvål Knudsen.

90/60,– (stud.)