Historia byrjar når rapartist og regissør Runar Gudnason reiser tilbake i tid for å finne ut kvifor han blei rappar. På vegen møter han tidlege inspirasjonskjelder frå tida i Danmark, men finn ut at han også må heim til Hovdebygda i Ørsta for å få heile historia. Gjennom den leikande musikalske og humoristiske dokumentarfilmen Eg har ord fortel Gudnason, særleg kjend frå rap­gruppa Side Brok, ei personleg historie om rappmusikk, spoken word, lyden av ord, meininga av ord – og alt som skjer imellom.

Etter filmframsyninga blir det ein samtale med Runar Gudnason, sonen Sigurd Gudnason og forfattar og kritikar Ida Lødemel Tvedt (som også er søskenbarn av Runar) om musikk, tilhøyr, sakn og språkets løyndommar.

110/60,– (stud./honnør).